Շուշան Մարգարյանը «Գալաքսի» ընկերությունների խմբի Պրոդուկտի զարգացման մենեջերն է: Նա պատասխանատու է ընկերությունների խմբի կողմից ներդրվող նոր բիզնեսների նախագծերի մշակման համար:
Նա 12 տարուց ավելի աշխատանքային փորձ ունի բիզնես ոլորտում երեք ուղղությամբ՝ ֆինանսավորում, խորհրդատվություն, զարգացում ներսից:
Շուշանը երկարամյա փորձառություն ունի ֆինանսական ոլորտում, ինչպես նաև սննդի արդյունաբերության և գյուղատնտեսության, վերականգնվող էներգիայի և հեռահաղորդակցության ոլորտներում: Նա աշխատել է տեղական և միջազգային ընկերություններում, և մատուցել խորհրդատվական ծառայություններ միջազգային մի շարք շուկաներում:
Շուշան Մարգարյանն իրականացրել է ձեռնարկատիրական գործունեության և ֆինանսական կառավարման թրեյնինգներ ավելի քան 40 ՓՄՁ, միկրո և սկսնակ ձեռնարկատերերի համար, կատարել մենթորինգ ավելի քան 50 սկսնակ մասնագետների համար:
Շուշանը սովորել է Երևանի պետական համալսարանում՝ ստանալով տնտեսագիտության բակալավրի կոչում, մասնակցել է մասնագիտական վերապատրաստման բազմաթիվ դասընթացների, այդ թվում՝ Հարվարդի համալսարանում, Մասաչուսեթսի տեխնոլոգիական ինստիտուտում, Միչիգանի համալսարանում:
Որպես կամավոր մասնակցել է մի շարք գիտական, մշակութային և սոցիալական նախաձեռնությունների՝ Հայաստանում և Արցախում: