TI’ME–ը հունիսի 14–ին կազմակերել էր յուրօրինակ փակ միջոցառում քաղաքի սրտում գտնվող Courtyard by Marriott հուրանոցի GIA ռեստորանում։ Միջոցառումը նվիրված էր Իսպանիայում բնակվող դիզայներ Աննա Վարդանյանի VANNA բրենդի ժամացույցներին, որոնք արդեն 2 տարի ցուցադրված են Time բոլոր խանութ–սրահներում և օնլայն՝ time.am կայքում։ 

Ոլորտում արդեն 4 տարի գործունեություն ծավալող բրենդն իր դիզայներական պարզ և միաժամանակ բացառիկ լուծումների շնորհիվ կարողացել է կարճ ժամանակում կուտակել մեծ պատմություն։ Այն ներկայացված է եվրոպական մի շարք երկրներում և ԱՄՆ–ում։ Միջոցառման հյուրերը կարողացան ավելի մանրամասն ծանոթանալ բրենդի գաղափարախոսությանն ու կարևոր դետալներին։
«Կանացիությունը անսահման զարգանում է, ծաղկում է, երբ այն ունի ճիշտ հիմք՝ իրականորեն արտահայտվելու համար: Ես ստեղծել եմ VANNA-ն 2020 թվականին՝ որպես կանանց հզորացման դրսևորում և հպարտ եմ իմ հայրենիքում ևս ներկայացնելու իմ բրենդը: Մեր ճանապարհորդությունը դեռ նոր է սկսվում, և մենք շատ ուրախ ենք, որ դուք մեզ հետ ենք»՝ նշեց VANNA-ի տնօրեն և դիզայներ Աննա Վարդանյանը։

Գաղափարից մինչև Ալանա Հադիդի, Ավրիլ Լավինի, Revolve և մի շարք այլ համաշխարհային անունների հետ համագործակցություն։ Բրենդում ներկայացված ժամացույցներից յուրաքանչյուրն արտահայտում է կապը տիեզերքի հետ՝ դրա տրամադրությունը, գույները, շարժումները։ Լյուքս դասի այս ժամացույցների 10 շարքերը կրում են բացառապես տիեզերական անուններ՝ Umbra, Astra, Luna, Eclipse և այլն։ Գին որակ հարաբերակցությամբ այս ժամագործական նմուշներն առանձնանում են՝ գնորդին տրամադրելով հասանելի բարձր որակի և յուրօրինակության միաձուլում։ Բրենդը մի քանի տարվա ընթացքում արագ անցում կատարեց շվեյցարական մեխանիզմի՝ պահպանելով իր գնային քաղաքականությունը։

Բրենդի պատմության ծանոթացումն անցավ հաճելի մթնոլորտում՝ զուգորդված լավ երաժշտությամբ, հյուրասիրությամբ և հետքրքիր վիճակահանությամբ, որի հաղթողները շահեցին VANNA բրենդի ժամացույցներ և մի շարք այլ նվերներ։ Միջոցառմանը ներկա էին նորաձևության, PR և մեդիա ոլորտների ներկայացուցիչներ, Time բրենդի գործընկերներ և այլոք։

Time-ը հետամուտ է բրենդների նորովի և շարունակական ներկայացմանը իր հաճախորդներին։ Ժամացույցների պաշտոնական ներկայացուցիչը Հայաստանում Time ընկերությունն է, որի բոլոր խանութ–սրահներից և time.am կայքից կարող եք ձեռք բերել VANNA ժամացույցները։