Ուրախ ենք կիսվել լավ նորություններով: «Գալաքսի» ընկերությունների խմբի համահիմնադիր և գլխավոր տնօրեն Արամ Խաչատրյանը ընտրվել է Հայաստանում Եվրոպական բիզնես ասոցիացիայի (ՀԵԲԱ) կառավարման խորհրդի անդամ: 2015 թվականին ԵՄ պատվիրակության աջակցությամբ հիմնադրված` Հայաստանում Եվրոպական բիզնես ասոցիացիայի անդամներ են հանդիսանում 50-ից ավելի խոշոր ու հայտնի ընկերություններ և բրենդներ:
Կազմակերպությունը նպաստում է Հայաստանում եվրոպական բիզնես համայնքի ինտեգրմանը, աջակցում Հայաստանի և Եվրոպական միության միջև համագործակցությանը:
Ասոցիացիան ակտիվ գործունեություն է ծավալում զարգացնելու բիզնես միջավայրը, խրախուսելու օտարերկրյա ներդրումները և բարելավելու համապատասխան օրենսդրական դաշտը:
ՀԵԲԱ-ն հանդիսանում է Եվրոպական բիզնես ասոցիացիայի համաշխարհային ցանցի (Եվրոպական Բիզնես Կազմակերպության Համաշխարհային Ցանց) անդամ և ներկայացնում է Եվրամիությունից դուրս գտնվող ավելի քան 50 երկրների շուկաների շահերը:
