Հայաստանում Ամերիկյան համալսարանի (ՀԱՀ) նախաձեռնությամբ մայիսի 27-ին կայացել է Կարիերայի ամենամյա տոնավաճառը:

Ծրագրի նպատակը՝ բուհ-աշխատաշուկա փոխգործակցության, միջբուհական գործակցության ամրապնդումն է, ուսանողներին և նորավարտ շրջանավարտներին՝ հայաստանյան աշխատաշուկայի պահանջներին և մարտահրավերներին ծանոթացնելը:

Այս միջոցառումը մեկ հարկի տակ համախմբում է ուսանողներին և տարբեր ոլորտների՝ հեռահաղորդակցության, խորհրդատվական, առևտրային, ՏՏ, բանկային ընկերությունների: Մասնակից բազմաթիվ ընկերությունների շարքում նաև «Գալաքսի» ընկերությունների խումբն էր: Տոնավաճառի ընթացքում, որպես առաջատար հայկական օպերատոր հեռահաղորդակցության ոլորտում, Ucom-ը ներկայացրել է աշխատատեղերի և մասնագիտական աճի հնարավորությունները:

TI’ME-ը ներկայացրել է աշխատատեղերի և կարիերայի հնարավորությունները ոչ միայն Հայաստանի, այլ նաև ընկերության՝ Վրաստանի և Բելառուսի ներկայացուցչություններում։