Հայկ Մանասյանը «Գալաքի» խմբի կազմում հանդես եկող «ՄեգաՖուդ» ընկերության Վաճառքի բաժնի պետն է։
Նա պատասխանատու է վաճառքի նպատակներին հասնելու ռազմավարական ծրագրերի նախագծման և իրականացման, ինչպես նաև ընկերության դեբիտորական պարտքերի մոնիթորինգի և հաճախորդների հետ արդյունավետ հարաբերությունների ապահովման համար:
Նախկինում նա աշխատել է՝ որպես վաճառող և խանութի տնօրեն՝ միանալով ընկերությանը 2002 թվականին։ Մինչ այդ, աշխատել է ՀՀ Տրանսպորտի նախարարության «Երևանի մետրոյի շինարարության տնօրինություն» ՓԲԸ-ում՝ որպես Ավագ ինժեներ:
Հայկը ավարտել է Հայաստանի պետական ճարտարագիտական համալսարանը՝ որպես ինժեներ/մետաղագործ: Նա նաև ավարտել է Սանկտ Պետերբուրգի պետական տնտեսագիտական և ֆինանսական համալսարանը բիզնեսի կառավարում մասնագիտությամբ։