«Երևան Մոլն» ամփոփում է «Նորաձևությունը հանուն կանանց առողջության» բարեգործական ծրագիրը

Ավարտվեց «Երևան Մոլ» առևտրաժամանցային կենտրոնի նախաձեռնած «Նորաձևությունը հանուն կանանց առողջության» բարեգործական ծրագիրը, որն իրականացվում էր Հայ-ամերիկյան առողջության կենտրոնի և հայ դիզայներների հետ համագործակցության արդյունքում: Այն նախատեսված էր անապահով կանանց կրծքագեղձի քաղցկեղի անվճար կանխարգելիչ հետազոտությունների համար գումարի ձեռբերմանը:

Շուրջ մեկ ամիս «Երևան Մոլի» կենտրոնական ատրիումում գործում էր ցուցահանդես վաճառք, որտեղ ներկայացված էին հայ դիզայներների արտադրած հագուստն ու աքսեսուարները: Վերջիններիս վաճառքից մարտի 11-ից մինչև ապրիլի 9-ն ընկած ժամանակահատվածում գոյացել է 543 000 ՀՀ դրամ գումար, որի 50%-ին Երևան Մոլն իր կողմից ևս կավելացնի 750 000 դրամ և կփոխանցի Հայ-ամերիկյան առողջության կենտրոնին: Կենտրոնն էլ իր հերթին ծրագրի շրջանակներում գրանցված կանանց մատուցվող ծառաությունների արժեքը կզեղչի 50%-ով, ինչը մոտ 100 կանանց հետազոտվելու հնարավորություն կտա: Հաճախորդի համար հետազոտությունն ամբողջությամբ անվճար կլինի:

«Երևան Մոլը», հավատարիմ մնալով իր կողմից որդեգրած քաղաքանությանը, հետագայում ևս իր կորպորատիվ սոցիալական պատասխանատվության ծրագրի շրջանակներում իրականացնելու է նմանատիպ բարեգործական ակցիաներ:

«Երևան Մոլը» ներառված է «Գալաքսի» ընկերությունների խմբի կազմում, որը հիմնադրվել է 1999-ին, և գործունեության 20 տարվա ընթացքում կարողացել է ընդարձակել իր գործունեության պորտֆոլիոն՝ առևտրի ու սպասարկման ոլորտից բացի ներկայացված լինելով նաև անշարժ գույքի, շինարարության, հեռահաղորդակցության և տեղեկատվական տեխնոլոգիաների ոլորտներում։

Նորություններ
PANDORA՝ քո օնլայն զարդատուփը
11 Հուլիսի, 2024
ԱՎԵԼԻՆ
VANNA ժամացույցների տիեզերական մինիմալիզմը՝ ներկայացված TI’ME սրահներում
24 Հունիսի, 2024
ԱՎԵԼԻՆ
«Գալաքսի» ընկերությունների խմբի` առաջին եռամսյակում լավագույն արդյունք ցուցաբերած աշխատակիցները հանդիպել են Արամ Խաչատրյանի հետ
22 Մայիսի, 2024
ԱՎԵԼԻՆ