Մենք մտահոգված ենք ներկայով, ապրում ենք բացառապես առօրյա հոգսերով, փորձում ենք տալ լուծումներ ամենօրյա խնդիրներին, և ընթացիկ ձախողումների ու ձեռքբերումների միջև չենք էլ նկատում, որ ինչ-որ տեղ հեռվում ուրվագծվում է մեր ապագան, որը հակասկան է և խնդրահարույց։ Տրվելով տեխնոլոգիական առաջընթացների գայթակղությանը՝ մենք ստեղծել ենք գերխելացի համակարգեր, որոնք ապագայում հնարավոր է դառնան մարդկության կործանման պատճառը։ Կարող է արդյոք «մոտալուտ ապագան» նվազեցնել մարդու դերն ու կարևորությունը մոլորակի վրա։ Կդառնա արդյոք մարդը «անպետք դասակարգ»։
2020-ին «Գալաքսի» ընկերությունների խումբը Newmag հրատարակչության գործընկերությամբ հայերեն թարգմանությամբ ներկայացրեց 21-րդ դարի ամենաքննարկված գիտնական, տեսաբան Յուվալ Նոյ Հարարիի հայտնի եռագրությունը` «Sapiens», «Homo Deus» և «21-րդ դարի 21 դասերը»: Առաջին իսկ գրքի նախաբանում «Գալաքսի» ընկերությունների խումբի համահիմնադիր Գուրգեն Խաչատրյանը գրեց, որ որպես գործարար, որ երազում է Հայաստանը ինովացիայի գլոբալ քարտեզին տեսնել այս եռագրության թարգմանությունը հայալեզու ընթերցողին գլոբալ երկխոսության մասը դարձնելու և աշխարհը ճանաչելով սեփական ապագան ուրվագծելու մասին է: Եվ այսպես, Galaxy Group of Companies-ը ը և Newmag-ը նախաձեռնել էր առաջին քննարկմանը այս համատեքստում` «գիրք, գինի, քննարկումներ» ֆորմատով:
«21 դասեր և 21 մարտահրավերներ». Կրթություն, բիզնես, ապագայի աշխատաշուկա, ի՞նչ է մեզ սպասվում: Պատերազմ, կորոնա, fake news և քաղաքական ճգնաժամեր. ի՞նչ դասեր ենք քաղել 21-րդ դարի աղետներից և կկարողանա՞նք կանխել հաջորդ պատերազմները` կրթության օրակարգով և տնտեսական զարգացմամբ։ Քննարկման խոսնակները` կրթության, բիզնեսի և ապագայի աշխատաշուկայի օրինակներով անկեղծ երկխոսություն ունեցան` բարձրաձայնելով ցավոտ կետերն ու լուծման տարբերակներ առաջարկելով: Խոսնակներից Շուշան Հարությունյանը, ով «Գալաքսի» ընկերությունների խումբի Հաղորդակցության տնօրենն է, խոսեց հասարակության բևեռացման և տեխնոլոգիական առաջընթացի արդյունքում առաջացած էթիկական, իրավական և սոցիալական մարտահրավերների մասին: Հայկ Մանասյանը, ով Manassian Group խորհրդատվական և կրթական կենտրոնի հիմնադիր-տնօրեն է, խոսեց մասնագիտական կրթության հանդեպ փոփոխվող պահանջների և զարգացման հնարավորությունների մասին: Արտակ Ալեքսանյան, «ՆյուՄեգ» հրատարակչության գործադիր տնօրեն է, խոսեց հանրային հավաքական անպատրաստության մասին:
