«Homo Deus. Ապագայի համառոտ պատմությունը» Յուվալ Նոյ Հարարիի 3-րդ աշխատությունն է՝ «Sapiens. մարդկության համառոտ պատմությունը», «21-րդ դարի 21 դասերը» գրքերից հետո:
Երկու տարվա ընթացքում այն վաճառվել է աննախադեպ՝ վեց միլիոն օրինակով: Թարգմանվել՝ հիսուն լեզվով, այժմ արդեն նաև՝ հայերեն:
Հայերեն հրատարակության համար Newmag հրատարակչությանը աջակցել է «Գալաքսի» ընկերությունների խումբը:
««Գալաքսի» ընկերությունների խումբը մարդակենտրոն և ապագայակենտրոն ընկերություն է։ Մենք շատ ենք կարևորում մտքի առաջնորդությունն ու շարունակական կրթությունը։ Անընդհատ փոփոխվող այս աշխարհում, ինքնազարգացման ճանապարհին Յուվալ Նոյ Հարարիի եռագրությունը կարող է հրաշալի ուղեցույց լինել», – գրքի հայերեն թարգմանության հեռուստաշնորհանդեսին նշել է «Գալաքսի» ընկերությունների խմբի բովանդակության և ստեղծագործական ծրագրերի պատասխանատու Սոսսի Խանիկյանը։
Գիրքն այն բացառիկ դարաշրջանի մասին է, որում ապրում ենք, և որը թևակոխելու ենք մոտ ապագայում։
«Homo Deus. Ապագայի համառոտ պատմությունը» կոտրում է կարծրատիպեր, փոխում մտածելակերպ և դառնում անփոխարինելի աշխատություն դեպի 21-րդ դարի գլխապտույտ իրականություն:
