Արմեն Վարդանյանը «Գալաքսի» խմբի կազմում հանդես եկող «Յուքոմ» ընկերության ՏՏ տնօրենն է։
Նա պատասխանատու է ընկերության ողջ ՏՏ ենթակառուցվածքի կառավարման համար, որը ներառում է ապարատային, ծրագրային ապահովումն ու բիլինգային համակարգերը: Ներգրավված է ՏՏ տարբեր նախագծերի և նախաձեռնությունների իրականացման գործընթացներում, մշտադիտարկում է ՏՏ ոլորտի վերջին զարգացումները` արդի պահելով ընկերության ՏՏ համակարգերը, ապահովում է դրանց անվտանգ, հուսալի և կայուն գործունեությունը:
ՏՏ ոլորտում Արմեն Վարդանյանն իր մասնագիտական ուղին սկսել է 2007 թ.-ից՝ աշխատելով «Շանթ» հեռուստաընկերությունում, «IMEX Group»-ում: 2009թ.-ից աշխատում է «Յուքոմ»-ում (նախկինում՝ «Orange Armenia»): Նախքան ՏՏ տնօրեն նշանակվելը՝ Արմենն ընկերությունոմ զբաղեցրել է տարբեր պաշտոններ՝ ՏՏ ենթակառուցվածքների ճարտարապետ, ՏՏ փորձագետ, ITSE բաժնի ղեկավար:
Արմենը բակալավրի որակավորում է ստացել` ավարտելով Հայաստանի պետական ճարտարագիտական համալսարանի` Կառավարումը և տեղեկատվությունը տեխնիկական համակարգերում բաժնի կիբերնետիկայի ֆակուլտետը: