Ֆրանսիա-Հայաստան առևտրաարդյունաբերական պալատի (Ֆրանսիա Հայաստան ԱԱՊ) հոգաբարձուների խորհրդի հերթական նիստի ընթացքում «Գալաքսի» ընկերությունների խմբի համահիմնադիր և գլխավոր տնօրեն Արամ Խաչատրյանը միաձայն ընտրվել է Խորհրդի անդամ:
Ֆրանսիա-Հայաստան ԱԱՊ գործունեության նպատակն է` նպաստել Ֆրանսիայի և Հայաստանի միջև տնտեսական հարաբերությունների զարգացմանը, խթանել Հայաստանում ընկերությունների հիմնումը և զարգացնել հայկական ձեռնարկությունների միջազգային ներուժը: Ֆրանսիա-Հայաստան ԱԱՊ-ն իր առաքելությունն իրականացնում է Հայաստանում Ֆրանսիայի դեսպանատան և տնտեսական ծառայության հետ սերտ համագործակցությամբ:
«Գալաքսի» ընկերությունների խումբը Հայաստանում ներկայացնում է հանրահայտ ֆրանսիական Paul ապրանքանիշը:
«Գալաքսի»-ն նախորդ տարվանից հանդիսանում է Ֆրանսիա-Հայաստան ԱԱՊ-ի անդամ` միանալով «CCI France» միջազգային համայնքին, որը ներառում է ամբողջ աշխարհում շուրջ 33 հազար անդամ-ընկերություն 125 առևտրաարդյունաբերական պալատներում:
Իսկ այս տարվա հունիսին «Գալաքսի»-ի և Ֆրանսիա-Հայաստան ԱԱՊ միջև ստորագրվել էր համագործակցության հուշագիր, որի նպատակն էր հասցեական կիրառել համատեղ տնտեսական ներուժը նոր նախագծեր իրականացնելու ուղղությամբ՝ կարեւորելով Հայաստանում ֆրանսիական ընկերությունների, ապրանքանիշերի եւ բրենդների հիմնումը։
