Սիրելի´ ընթերցողներ, այս փոքրիկ տեսանյութը մեծ պատմություն ունի ու գուցե բացառիկ նշանակություն: Այս տարի 200 մեր գործընկերներ ստացան տնակներ, որոնք սիմվոլն են բարի գործերի: Իսկ պատմությունն այսպես էր…
Մեր երկրի համար սարսափելի իրադարձությունների այս տարում Արցախից բռնի տեղահանված հազարավոր երեխաներ կորցրեցին իրենց տունը, հենարանը, մանկական տաքուկ հուշերի հնարավորությունը:
Թեև մենք անզոր ենք երեխաների կորցրած մանկությունը վերականգնել, որոշեցինք, այնուամենայնիվ, լույս վառել խավարում` մթությունից բողոքելու փոխարեն: Այսպես ծնվեց Գալաքսի համայնքի «Միասնական և հոգատար» մարդասիրական նախաձեռնությունը, որը 5,000 ընտանիքների կողքին կանգնեց:
Որպես նախագծի շարունակություն, Սուրբ ծննդյան տոներից առաջ 50 երեխաների հրավիրեցինք «Բարի տնակ»` կավագործության արհեստանոցում ուսանելու: Սա մեր փոքրիկ նվերն էր` կտրվել հոգսերից, մարզից ճամփորդել Երևան ու աշխատել մասնագետների հետ: Դասընթացի ավարտին նրանք կարող էին ցանկացած կերտվածքի նյութ ստանալ. նրանք ընտրեցին տնակների կառուցումը և բարի մարդկանց փոխանցումը:
Թող կատարվեն թե´ պատրաստողի, և թե´ ստացողի երազանքները, նրանք որոշեցին: Հիրավի, թող բոլորի տները լինեն խաղաղ երկնքի տակ:
